Առաջատար բուհերի շրջանավարտներից մի քանիսը շուտով բարձր պաշտոններ կզբաղեցնեն. Փաշինյան

Վարչապետ Նիկոլ Փաշինյանը իր ֆեյսբուքյան կայքում հայտնել է, որ պետական կառավարման համակարգում աշխատանքի համար աշխարհի առաջատար համալսարանների շրջանավարտներին ուղղված իր նախաձեռնության շրջանակում ստացվել է 1141 հայտ։

Դիմումների ուսումնասիրությունից հետո 459 թեկնածու, կամ դիմորդների շուրջ 40 տոկոսը, անցել է ընտրության երկրորդ փուլ։ Թեկնածուների միջին տարիքը 34 է։

Փաշինյանի խոսքով՝ հարցազրույցների և մասնագիտական գնահատման արդյունքներով կձևավորվի Կառավարության կադրային բանկը, որտեղ ընդգրկված թեկնածուների կրթությունն ու փորձը կհամադրվեն պետական կառավարման համակարգի կարիքների հետ։

Վարչապետը նաև հայտնել է, որ արդեն որոշում է կայացրել մի շարք դիմորդների բարձր պաշտոններում նշանակել, և այդ որոշումները մոտ ժամանակում պաշտոնապես կիրագործվեն։

«Շնորհակալ եմ իմ հրավերին արձագանքած բոլոր թեկնածուներին և հանրությանը՝ այս նախաձեռնությանը ցուցաբերած մեծ աջակցության համար»,- գրել է Փաշինյանը։