ՌԴ-ից աղմկահարույց հայտարարություն․ Հայաստանը կարող է զրկվել ՀԱՊԿ-ում ձայնի իրավունքից

ՀԱՊԿ-ում Հայաստանին ձայնի իրավունքից զրկելու մասին որոշումը կպահանջի կոնսենսուս։ Այս մասին «ՌԻԱ Նովոստի»-ին հայտնել է կազմակերպությունում Ռուսաստանի մշտական ներկայացուցիչ Վիկտոր Վասիլևը։

Նրա խոսքով՝ հարցի քննարկումն, ամենայն հավանականությամբ, տեղի կունենա նոյեմբերի 11-ին Մոսկվայում նախատեսված ՀԱՊԿ Հավաքական անվտանգության խորհրդի հերթական նիստում։

Վասիլևը նշել է, որ ՀԱՊԿ կանոնադրության 25-րդ հոդվածը նախատեսում է անդամ պետության՝ քվոտային պաշտոններում քաղաքացիներ առաջադրելու իրավունքի և ձայնի իրավունքի կասեցման հնարավորություն միայն այն դեպքում, եթե տվյալ պետությունը երկու տարվա ընթացքում չի վճարել կազմակերպության բյուջեի նկատմամբ ունեցած պարտքը։

Միևնույն ժամանակ, նա ընդգծել է, որ փաստացի նման իրավիճակ արդեն ավելի քան երկու տարի է շարունակվում է, քանի որ Հայաստանը չի առաջադրում իր քաղաքացիներին ՀԱՊԿ քարտուղարության քվոտային պաշտոններում և հետ է կանչել իր ներկայացուցիչներին կազմակերպության Միացյալ շտաբից։