Ջեֆ Մոնսոնը երեսպաշտության դրսևորում է համարել ռուս մարզիկների որակազրկումը

Խառը մենամարտերի մարտիկ Ջեֆ Մոնսոնը, ով Ռուսաստանի քաղաքացիություն է ստացել 2018 թվականին, կոշտ քննադատության է ենթարկել սպորտի միջազգային պաշտոնյաներին՝ ռուս մարզիկներին մրցումներից հեռացնելու համար։
 

«Կառավարությունների միջև տարաձայնությունների համար մարզիկներին պատժելը իմաստ չունի։ Մարզիկները խոսք չունեն իրենց երկրի արտաքին քաղաքականության մեջ: Ամերիկան ​​հավակնում է լինել ազատության երկիր, բայց նրանք արգելում են մարզիկներին մասնակցել մրցումներին բացառապես քաղաքացիության հիման վրա», - URA.RU-ին ասել է Մոնսոնը, ով նաև Կրասնոգորսկի (Մոսկվայի շրջան) Դումայի անդամ է:
 

Մոնսոնը երեսպաշտության դրսեւորում է համարում նաեւ ռուս մարզիկների որակազրկումը.
 

«Ամերիկան ​​ռմբակոծում է Մերձավոր Արևելքի և Աֆրիկայի հինգ տարբեր երկրներ: Ամերիկան ​​ներխուժել և օկուպացրել էր Աֆղանստանը և Իրաքը՝ օգտագործելով զանգվածային ոչնչացման զենքերի մասին ստերը: Նույնիսկ չի առաջարկվել ամերիկացի մարզիկներին հեռացնել մրցումներից՝ ԱՄՆ կառավարության ռազմական գործողությունների պատճառով։ Կեղծավորություն»,- ասել է նա։