Պելեն կրկին հիվանդանոց է տեղափոխվել
Ֆուտբոլի աշխարհի եռակի չեմպիոն Պելեն կրկին հիվանդանոց է տեղափոխվել։ Այս մասին գրում է Chempionat. com-ը:
Աղբյուրի փոխանցմամբ՝ Պելեն տեղափոխվել է Սան Պաուլոյի Ալբերտ Էյնշտեյնի հիվանդանոց, որտեղ նա նախկինում քիմիաթերապիայի կուրսեր է անցել։
Նշվում է, որ բրազիլացի նախկին ֆուտբոլիստը բժիշկների հսկողության տակ է։ Նրա կյանքին ոչինչ չի սպառնում, Պելեն վերակենդանացման բաժանմունքում չէ։
Հիշեցնենք, որ այս տարվա մարտի սկզբին Պելեն դուրս էր գրվել հիվանդանոցից վարակի բուժումից հետո։ Ավելի վաղ Բրազիլիայի հավաքականի կազմում աշխարհի եռակի չեմպիոնը հաստ աղիքի նորագոյացության հեռացման վիրահատության էր ենթարկվել։
