Զելենսկին դժգոհել է Թուրքիայից

Ուկրաինայի նախագահ Վլադիմիր Զելենսկին քննադատել է Թուրքիային և Հունաստանին ռուս զբոսաշրջիկների համար նոր երթուղիների համար։

«Հունաստանի բյուջե մեծ գումարներ են գալիս զբոսաշրջությունից: Իսկ ռուսական զբոսաշրջությունը Հունաստանին մեծ գումարներ է բերում։ Մենք հավատում ենք, որ նրանք արյան վրա են վաստակում։ Թուրքիան մի կողմից հանդես է գալիս որպես միջնորդ և կարևոր քայլերով աջակցում է Ուկրաինային, իսկ մյուս կողմից՝ տեսնում ենք զբոսաշրջային երթուղիների պատրաստում հատուկ ռուսական զբոսաշրջության համար։ Եվ ես՝ որպես նախագահ, պետք է ասեմ, որ դա անհնար է, եթե մենք ցանկանում ենք ունենալ բարեկամական հարաբերություններ։ Սրանք երկակի ստանդարտներ են։ Դա արդար չէ»,- ասել է նա։ 

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։