ՏԵՍԱՆՅՈՒԹ․ ՌԴ ՊՆ-ն կադրեր է հրապարակել Խերսոնի կենտրոնում «Տոչկա-Ու» հարվածի հետևանքներից
ՌԴ պաշտպանության նախարարությունը տեսանյութ է հրապարակել Խերսոն քաղաքի կենտրոնական հատվածում ուկրաինական «Տոչկա-Ու» բալիստիկ հրթիռի և հրթիռների բազմակի արձակման հրթիռային համակարգերից խոցման հետևանքների մասին։
Ինչպես հայտնել են ՊՆ-ում, հարվածը հասցվել է ապրիլի 27-ին՝ Մոսկվայի ժամանակով մոտ 23։00-ին։
«Ազգայնականների հանցավոր անկանոն հրթիռային հարվածի թիրախ են դարձել Ուշակովի պողոտայի տարածքում գտնվող բնակելի թաղամասերը, որտեղ տեղակայված են նաև մանկապարտեզներ, դպրոցներ և բազմաթիվ սոցիալական հաստատություններ, ինչը միջազգային մարդասիրական իրավունքի նորմերի ուղղակի խախտում է»,- նշում են նախարարությունից։
Խերսոնի վրա հրթիռային հարձակումը հետ է մղվել ռուսական ՀՕՊ ստորաբաժանումների կողմից։ Ռուսական ռազմական գերատեսչության տվյալներով՝ քաղաքի օդում խոցվել են 12 բարձր հզորության հրթիռային կայան և երկու ուկրաինական «Տոչկա-Ու» բալիստիկ հրթիռ։
