ՏԵՍԱՆՅՈՒԹ․ Կնոջը վրաերթի է ենթարկել Ճանապարհային ոստիկանության ավտոմեքենան․ պարզաբանում
Ապրիլի 26-ին՝ ժամը 18․24-ին, ոստիկանության օպերատիվ կառավարման կենտրոնում հաղորդում է ստացվել, որ Լեո-Պարոնյան փողոցների խաչմերուկի մոտ ամենագնացը վրաերթի է ենթարկել մի կնոջ։ Այս մասին հայտնում է ՀՀ Ոստիկանությունը։ Նախնական տվյալներով՝ քաղաքացուհին վրաերթի է ենթարկվել Ճանապարհային ոստիկանության «Տոյոտա» մակնիշի ավտոմեքենայով, որը գտնվել է ծառայության մեջ։ Վրաերթի ենթարկվածը տեղափոխվել է «Նաիրի» բժշկական կենտրոն։ Հանգամանքները քննությամբ պարզվում են։
Ավելի վաղ լրատվամիջոցները տեղեկություն տարածեցին, թե վարչապետ Նիկոլ Փաշինյանի ավտոշարասյունն է Լեո-Պարոնյան խաչմերուկի վրա երիտասարդ աղջկան վրաերթի ենթարկել։
Տեղեկություն կա նաև, որ կինը հղի է և վիճակը գնահատվում է ծանր։
