Քաղաքականություն

«Ազովստալի» մասով պայմանավորվածություն չկա. Պեսկով

«Ազովստալի» մասով պայմանավորվածություն չկա. Պեսկով
Ռուսաստանի նախագահ Վլադիմիր Պուտինի ու ՄԱԿ-ի գլխավոր քարտուղար Անտոնիո Գուտերեշի հանդիպմանը հստակ պայմանավորվածություն չի եղել այն մասին, որ ՄԱԿ-ն ու ԿԽՄԿ-ն մասնակցեն «Ազովստալից» խաղաղ քաղաքացիների…

 Ռուսաստանի նախագահ Վլադիմիր Պուտինի ու ՄԱԿ-ի գլխավոր քարտուղար Անտոնիո Գուտերեշի հանդիպմանը հստակ պայմանավորվածություն չի եղել այն մասին, որ ՄԱԿ-ն ու ԿԽՄԿ-ն մասնակցեն «Ազովստալից» խաղաղ քաղաքացիների տարհանմանը։ Տեղեկությունը հայտնել է ՌԴ նախագահի մամուլի քարտուղար Դմիտրի Պեսկովը:

 

«Պարոն Գուտերեշն իսկապես հնչեցրել է այդ թեման, որը հետագայում կքննարկվի, բայց այդ հարցում կոնկրետ պայմանավորվածություն չկա»,- ասել է Պեսկովը` պատասխանելով լրագրողի հարցին, թե արդյոք Պուտինը համաձայնել է ՄԱԿ-ին ու ԿԽՄԿ-ին ներգրավել «Ազովստալի» խաղաղ քաղաքացիների տարհանման գործում։

 

Ավելի վաղ հայտնել էինք` Մոսկվայում ՌԴ նախագահ Պուտինի հետ հանդիպման ժամանակ ՄԱԿ-ի գլխավոր քարտուղար Անտոնիո Գուտերեշը հայտարարել է, որ կազմակերպությունը Կարմիր խաչի միջազգային կոմիտեի հետ համատեղ պատրաստ է իր ռեսուրսները մոբիլիզացնել Մարիուպոլի իրադրությունը կայունացնելու համար: Ռուսաստանի առաջնորդն իր հերթին հավաստիացրել է, որ քաղաքում մարտական գործողություններ չեն ընթանում, իսկ «Ազովստալ» գործարանը լիովին մեկուսացված է:

 

Հանդիպումից հետո ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը հայտարարել է, թե ՌԴ նախագահ Վլադիմիր Պուտինը համաձայնել է, որ ՄԱԿ-ն ու ԿԽՄԿ-ն մասնակցեն «Ազովստալ» գործարանից խաղաղ քաղաքացիների տարհանմանը:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7890) Միջազգային (3489) ԱՄՆ (2343) Ռուսաստան (2195) Իրան (1769) Ընտրություններ (1275) Ուկրաինա (874) Երևան (816) Իսրայել (762) Ադրբեջան (662) Փաշինյան (572) Եվրոպա (524) Ազգային ժողով (474) Ընդդիմություն (460) Թրամփ (444)

Radio Aurora

Լսել Radio Aurora

Գովազդային տարածք

300x250