Կինեշմայի գործարաններից մեկում հրդեհի հետևանքով անգար է փլուզվել
Անգարը, որտեղ պահվում էին դյուրավառ հեղուկներ, փլուզվել է Իվանովոյի մարզի Կինեշմա քաղաքի քիմիական գործարանում բռնկված հրդեհի հետևանքով, ՌԻԱ Նովոստիին հայտնել է արտակարգ իրավիճակների ծառայության ներկայացուցիչը։
«Մետաղյա անգարի փլուզում է տեղի ունեցել, որում դյուրավառ հեղուկներ են պահվել»,- ասել է աղբյուրը։
Քիմիական գործարանում հրդեհի ընդհանուր մակերեսը կազմել է 1500 քմ։
«Տուժածներից մեկը հոսպիտալացվել է»,- հավելել է աղբյուրը։
Հիշեցնենք, որ խոսքը Ռուսաստանում և Արևելյան Եվրոպայում բուտիլացետատի և արդյունաբերական լուծիչների խոշորագույն արտադրող Դմիտրիևսկու քիմիական գործարանի մասին է, որտեղ խոշոր հրդեհ է բռնկվել։
