«Եվրամիությունը մշտապես գողանում է գազի պաշարները ՌԴ-ից»․ Վոլոդին

Ռուսաստանի նկատմամբ Եվրոպայի պատժամիջոցներն անօրինական են, եւ Եվրամիության երկրներն անպայման ստիպված կլինեն դրանք երբեւէ փոխհատուցել, թեեւ երբ եւ ինչպես, դեռեւս անհասկանալի է: Այս մասին իր Telegram-ալիքում գրել է Պետդումայի խոսնակ Վյաչեսլավ Վոլոդինը ։

Ընդ որում, նա Եվրոպային մեղադրել է այն բանում, որ նա «մշտապես գողանում է գազի պաշարները» Ռուսաստանից, գումար է վերցնում երկրի բյուջեից, իսկ դա նշանակում է, որ հենց ռուսաստանցիներից է գողանում:

Մեկնաբանելով ռուբլիով գազային պայմանագրերի վճարման հարցը, Վոլոդինը հիշեցրել է, որ Եվրոպան ռուսական էներգառեսուրսների միակ սպառողը չէ, եւ երկիրը հնարավորություն ունի դրանք վերաուղղորդելու: 

Քաղաքական գործիչն առաջարկել է ԵՄ երկրների իշխանություններին պատասխանատվություն դրսևորել իրենց քաղաքացիների առջև և խուսափել էներգետիկ կոլապսից, բայց միևնույն ժամանակ նկատել է, որ Մոսկվան, «տեսնելով ռուսատյացությունը», Եվրոպային փրկելու ցանկություն չունի։