Էրդողանը՝ Հայաստանի հետ հարաբերությունների մասին

Թուրքիայի նախագահը կրկին խոսել է կովկասյան տարածաշրջանում խաղաղության հեռանկարի մասին:

Իր առաջնորդած «Արդարություն և զարգացում» կուսակցության կենտրոնական գրասենյակում, մի շարք երկրների դեսպանների հետ ռամադանյան ընթրիքի՝ իֆթարի ժամանակ, Ռեջեփ Թայիփ Էրդողանը ասել է, թե «Ադրբեջանի հողերի ազատագրմամբ կարևոր հնարավորություն է ստեղծվել տարածաշրջանում խաղաղության հաստատման համար»։

«Այդ առիթը չկորցնելու համար՝ անկեղծորեն շարունակում ենք մեր հարևան Հայաստանի հետ կարգավորման գործընթացը»,- հայատարարել է Էրդողանը: