44-օրյա պատերազմի մասնակիցները դիմել են ծայրահեղ քայլի․ Վանեցյանը մանրամասնում է
ԱԺ «Պատիվ ունեմ» խմբակցության ղեկավար Արթուր Վանեցյանը ֆեյսբուքյան իր էջում լուսանկար է հրապարակել՝ կից գրելով. «Երկու հայորդիներ` Նվերն ու Արթուրը, այսօր վաղ առավոտից դիմել են ծայրահեղ քայլի` Ազատության հրապարակում նստել են հացադուլի։ Հասկանում եմ տղաների ցավն ու ցասումը, ովքեր 44-օրյա պատերազմի ընթացքում բազմաթիվ ընկերներ են կորցրել։ Տղաներն այս քայլը համարում են համարժեք արձագանք ստեղծված իրավիճակին։ Հորդորս էր, որ դադարեցնեն հացադուլը։
Հրապարակում ենք: Տղաների հետ շփվելու հնարավորություն կա և լինելու է: Մեկ հորդորով, իհարկե, չեմ բավարարվի... Մենք դեռ մեծ ճանապարհ ունենք անցնելու»։
Ավելի վաղ «Հայրենիք» կուսակցության քաղխորհրդի անդամ Արսեն Բաբայանը լուսանկար էր տարածել՝ կից գրառմամբ. «Առավոտյան Ազատության հրապարակ եկան 44-օրյա պատերազմի մասնակիցները, որոնք երեկ հայտարարել էին անժամկետ հացադուլի և Արթուր Վանեցյանին միանալու մասին»:
