Կարծում եմ՝ նա կգա․ Զելենսկին Բայդենին հրավիրել է Կիև
Վլադիմիր Զելենսկին հայտարարել է, որ ակնկալում է ԱՄՆ նախագահ Ջո Բայդենի այցը Կիեւ:
«Կարծում եմ՝ նա կգա։ Իհարկե, դա նրա որոշումն է։ Հարցն անվտանգության մեջ է։ Բայց ես կարծում եմ, որ որպես ԱՄՆ առաջնորդ, նա պետք է գա այստեղ և տեսնի», - ասել է Զելենսկին CNN-ին տված հարցազրույցում։
Այսպես նա պատասխանել է այն հարցին, թե ցանկանում է արդյո՞ք Բայդենին տեսնել Կիեւում։
Նա հավելել է, որ Ուկրաինա է հրավիրել Ֆրանսիայի նախագահ Էմանուել Մակրոնին։ «Ես նրան հրավիրել եմ, երբ նա նման հնարավորություն ունենա», - ասել է Զելենսկին:
Սպիտակ տունն ավելի վաղ հայտարարել էր, որ Բայդենի ծրագրերում Ուկրաինա ուղեւորություններ չկան:
