ԱՄՆ պետքարտուղարը ներողություն է խնդրել Աբու Դաբիի թագաժառանգ արքայազնից հանուն Ուկրաինայի

ԱՄՆ պետքարտուղար Էնթոնի Բլինկենը ներողություն է խնդրել Աբու Դաբիի թագաժառանգ արքայազն Մուհամմեդ բեն Զայեդ ալ Նահյանից հունվարին Հութիների հարձակումներին Վաշինգտոնի ոչ բավարար արձագանքի համար, գրում է RT-ն՝ վկայակոչելով Axios լրատվամիջոցին:

Ինչպես հաղորդում է Axios-ը, վկայակոչելով երկու աղբյուրների, այս գործողությունը ամերիկյան կողմին կօգնի ստանալ Մերձավոր Արևելքի աջակցությունը Ուկրաինայի հարցում։

Նյութում ընդգծվում է, որ ԱՄԷ-ն հիասթափված է հութիների հարձակմանը ԱՄՆ-ի «թույլ և դանդաղ» արձագանքից, մինչդեռ ԱՄՆ վարչակազմը դժգոհ է մնացել Ուկրաինայի շուրջ տեղի ունեցող իրադարձություններին Աբու Դաբիի արձագանքից։
 

«Բլինկենի ներողությունը օգնեց թուլացնել այդ լարվածությունը»,- նշվում է հոդվածում։
 

Նշվում է, որ Բլինկենը և Աբու Դաբիի թագաժառանգը հանդիպել են Մարոկկոյում։
 

Հունվարին ԱՄԷ պաշտպանության նախարարությունը հայտնել էր, որ երկրի հակաօդային պաշտպանության համակարգերը Աբու Դաբիի շրջանում որսացել են հութիների արձակած երկու հրթիռ։