ՏԵՍԱՆՅՈՒԹ․ Պուտինն ու Լուկաշենկոն հանդիպել են և ուղևորվել «Վոստոչնի» տիեզերակայան
Ռուսաստանի և Բելառուսի նախագահներ Վլադիմիր Պուտինն ու Ալեքսանդր Լուկաշենկոն հանդիպել են Բլագովեշչենսկում և ուղևորվում են Ամուրի շրջանի «Վոստոչնի» տիեզերակայան, հայտնում է ԲելՏԱ գործակալությունը։
Ինչպես և սպասվում էր, պետությունների ղեկավարները տիեզերակայան կժամանեն նույն ուղղաթիռով։ Հաստատություն այցելությունը նախատեսված է Տիեզերագնացության օրվա կապակցությամբ:
Նախագահները կծանոթանան արձակման համալիրի կառուցմանը, կզրուցեն օդաչու-տիեզերագնացների և «Վոստոչնի»-ի աշխատակիցների հետ։
Քաղաքական գործիչները դեմ առ դեմ ձևաչափով կքննարկեն երկկողմ հարաբերությունների զարգացման արդիական հարցեր։
