Լուկաշենկոն Բուչայի դեպքերին հատուկ անվանում է տվել

Բուչայում տեղի ունեցածը Մեծ Բրիտանիայի կողմից հատուկ գործողություն է, հայտարարել է Բելառուսի նախագահ Ալեքսանդր Լուկաշենկոն։ Նա խոստացել է նյութեր տրամադրել գործողության հետաքննության համար։ Այս մասին հայտնում է ura.news-ը։

«Այսօր մենք մանրամասն քննարկել ենք Բուչայում «հատուկ օպերացիան», որն իրականացրել են բրիտանացիները։ Եթե ​​ձեզ անհրաժեշտ են հասցեներ, գաղտնաբառեր,  ապա ՌԴ ԱԴԾ-ն կարող է տրամադրել այդ տեղեկատվությունը, եթե ոչ, ապա մենք կարող ենք օգնել այս հարցում»,- ասել է Լուկաշենկոն ՌԴ նախագահ Վլադիմիր Պուտինի հետ համատեղ ասուլիսում։ 

Ավելի վաղ մի շարք արևմտյան եւ ուկրաինական լրատվամիջոցներ հայտնել էին Կիևի շրջանի Բուչա քաղաքում տեղի ունեցած ջարդերի մասին։ Ռուսաստանի պաշտպանության նախարարությունը հերքել էր այդ պնդումները և նշել, որ դիակների մասին հաղորդումները սկսել են հայտնվել քաղաքից ռուսական բանակի հեռանալուց չորս օր անց։ Գերատեսչությունում նշել են, որ Բուչայում տեղի ունեցող իրադարձությունները բեմադրում են Ուկրաինայի զինված ուժերը։