Լիտվան քննարկում է Ռուսաստանի և Բելառուսի հետ սահմանը փակելու հնարավորությունը
Լիտվայի իշխանությունները դիտարկում են Ռուսաստանի և Բելառուսի հետ սահմանը փակելու հարցը։ Այս մասին երկուշաբթի օրը լրագրողներին հայտնել է Բալթյան Հանրապետության արտաքին գործերի նախարար Գաբրիելիուս Լանդսբերգիսը։
«Քննարկումներն ընթանում են, կոնկրետ ժամկետ չեմ կարող նշել, երբ որոշումները կկայացվեն, այդ ժամանակ կհայտարարենք»,- ասել է նա։ Ինչպես նշել է արտգործնախարարը, «առայժմ վաղ է խոսել այս հարցի մասին»։
Երկուշաբթի օրը Լանդսբերգիսը հայտարարել, որ կառավարությունը որոշել է իջեցնել ռուս-լիտվական դիվանագիտական առաքելության կարգավիճակը. Բալթյան Հանրապետության Նախարարների կաբինետը կարգադրել է Ռուսաստանի դեսպանին հեռանալ Վիլնյուսից և հետ կանչել Լիտվայի դեսպանին Մոսկվայից։ Փակ է լինելու նաև Կլայպեդայում Ռուսաստանի Դաշնության գլխավոր հյուպատոսությունը։
Նշվում է, որ Լիտվան սահմանակից է միայն Կալինինգրադի մարզին։
