Նրանց կորուստների չափը, նույնիսկ 90 տոկոսի մակարդակում, փաստարկ չէ, որ նրանք կանգ առնեն․ Զելենսկի

Ուկրաինայի նախագահ Վլադիմիր Զելենսկին շնորհակալություն է հայտնել ուկրաինացի զինվորներին՝ մայրաքաղաք Կիևի մերձակայքում գտնվող Իրպին քաղաքը ռուսական զորքից ազատագրելու համար։ Նա նշել է, որ հակառակորդը շարունակում է հետ մղվել Կիևից։ 

«Սակայն դեռ վաղ է խոսել Կիևի մարզի այս հատվածում անվտանգության մասին, մարտերը շարունակվում են։ Նրանց կորուստների չափը, նույնիսկ 90 տոկոսի մակարդակում, փաստարկ չէ, որ նրանք կանգ առնեն»,- զգուշացրել է Ուկրաինայի ղեկավարը։

Նա նշել է, որ ռուսական զորքերը շարունակում են պահել մարզի հյուսիսային հատվածը, ունեն դրա համար ռեսուրսներ ու կենդանի ուժ, ինչպես նաև փորձում են վերականգնել կորուստներ կրած ստորաբաժանումների մարտունակությունը։