Գազի դիմաց ռուբլի, ուկրաինական ճգնաժամ. Մակրոնն ու Պուտինը հեռախոսազրույց են ունեցել
ՌԴ նախագահ Վլադիմիր Պուտինը և Ֆրանսիայի նախագահ Էմանուել Մակրոնը ավելի քան 1 ժամ տևողությամբ հեռախոսազրույց են ունեցել, գրում են ռուսական ԶԼՄ-ները:
Նախագահները քննարկել են Ուկրաինայում ստեղծված իրավիճակը՝ հաշվի առնելով Ստամբուլում տեղի ունեցած բանակցությունները, հատուկ ուշադրություն է դարձվել հումանիտար հարցերին:
Քննարկվել է նաև գազի մատակարարումների համար ռուբլով վճարման անցումը:
Պուտինը Մակրոնին ներկայացրել է Ուկրաինայում խաղաղ բնակիչներին օգնելու, այդ թվում՝ Մարիուպոլից տարհանելու միջոցառումները։
ՌԴ առաջնորդն ընդգծել է, որ Մարիուպոլում ստեղծված բարդ իրավիճակը կարգավորելու համար ուկրաինացի ազգայնական զինյալները պետք է վայր դնեն զենքերը։
