Կտակ գրեք Ուկրաինա մեկնելուց առաջ. ինչ է խորհուրդ տալիս ԱՄՆ-ն` իր քաղաքացիներին
ԱՄՆ Պետդեպարտամենտը երեքշաբթի խորհուրդ է տվել ամերիկացիներին, ովքեր պատրաստվում են չնայելով Ուկրաինա մեկնելու արգելքին, այնուամենայնիվ մեկնել, նախապես ԴՆԹ-ի նմուշներ հանձնել, կտակ գրել և սիրելիների հետ քննարկել երեխայի խնամակալության հնարավոր խնդիրները:
«Մի՛ մեկնեք Ուկրաինա զինված հակամարտության և կորոնավիրուսի պատճառով: ԱՄՆ քաղաքացիները, որոնք այժմ էլ գտնվում են Ուկրաինայում, պետք է անհապաղ հեռանան ՝ օգտագործելով որևէ առևտրային կամ այլ մասնավոր ցամաքային փոխադրամիջոց», - ասվում է ԱՄՆ արտաքին գերատեսչության հայտարարության մեջ:
Նաև նշվում է, որ նրանք, ովքեր ցանկանում են գնալ Ուկրաինա, չնայած հորդորների, պետք է մի շարք քայլեր ձեռնարկեն, այդ թվում՝ կտակ կազմելը, երեխաների խնամակալության, կենդանիների խնամքի, գույքի և ակտիվների կառավարման պլանների քննարկումը սիրելիների հետ և հարազատներին կարևոր փաստաթղթերի, անձնական տվյալների փոխանցումը:
Բացի այդ, Ուկրաինա մեկնող ամերիկացիներին խորհուրդ է տրվում մշակել անվտանգության սեփական պլանը կամ խորհրդակցել համապատասխան կազմակերպության հետ։
