Նման հայտարարություններով Արևմուտքը Ռուսաստանին ռազմական սցենարներ է առաջարկում. ՌԴ ԱԳ փոխնախարար
Ռուսաստանի Դաշնության արտաքին գործերի փոխնախարար Սերգեյ Վերշինինը ՄԱԿ-ի Անվտանգության խորհրդի նիստում անհիմն և վտանգավոր է անվանել Ուկրաինայի վրա հարձակվելու Ռուսաստանի ենթադրյալ ծրագրերի մասին ակնարկները, փոխանցում է ՏԱՍՍ-ը։
Նա ընդգծել է, որ նման հայտարարություններով Արևմուտքը Ռուսաստանին ռազմական սցենարներ է առաջարկում։
Ավելի վաղ Politico-ն հայտարարել էր Ռուսաստանի՝ Ուկրաինա ենթադրյալ «ներխուժման» նոր ժամկետի մասին։ Ըստ խմբագրության աղբյուրների՝ դա կարող է տեղի ունենալ փետրվարի 20-ից հետո։ Մինչ այս, հղում անելով ԱՄՆ նախագահ Ջո Բայդենի հայտարարությանը, հաղորդվում էր, որ «ներխուժումը» կսկսվի փետրվարի 16-ին։
ՌԴ ԱԳՆ պաշտոնական ներկայացուցիչ Մարիա Զախարովան, մեկնաբանելով այս լուրերը, արևմտյան լրատվամիջոցներին առաջարկել է հրապարակել ռուսական «ներխուժումների» ժամանակացույցը։
