Կիևը խնդրում է ԵԱՀԿ նիստ անցկացնել 48 ժամվա ընթացքում
Ուկրաինայի արտաքին գործերի նախարար Դմիտրի Կուլեբան հայտարարել է, որ Ուկրաինան պահանջում է ԵԱՀԿ Մշտական խորհրդի և ԵԱՀԿ Անվտանգության համագործակցության ֆորումի համատեղ արտահերթ նիստ անցկացնել։ Այս մասին Կուլեբան գրել է Twitter-ի իր էջում չորեքշաբթի՝ փետրվարի 16-ին։
Ուկրաինայի ԱԳՆ ղեկավարը պնդում է, որ իր երկիրը ցանկանում է օգտագործել ԵԱՀԿ գործիքները՝ Ուկրաինայի սահմանների մոտ Ռուսաստանի «ռազմական գործողությունների» պատճառով առաջացած «լարվածությունը թուլացնելու» համար։
Կուլեբան մանրամասնել է, որ Ուկրաինան պահանջում է հանդիպում անցկացնել 48 ժամվա ընթացքում։
