Ուկրաինան և Թուրքիան քննարկել են ռազմատեխնիկական համագործակցության զարգացումը
Ուկրաինայի արտաքին գործերի նախարար Դմիտրի Կուլեբան և Թուրքիայի ԱԳ նախարար Մևլութ Չավուշօղլուն հեռախոսազրույց են ունեցել, որի ընթացքում քննարկել են Սև և Ազովի ծովերում առկա սպառնալիքները, ինչպես նաև երկկողմ ռազմատեխնիկական համագործակցության զարգացումը:
«Բովանդակալից զրույց թուրք գործընկեր և ընկեր Չավուշօղլուի հետ՝ ՌԴ-ի կողմից ստեղծված անվտանգության ճգնաժամի և Ազովի ու Սև ծովերի սպառնալիքների, լարվածության նվազեցման դիվանագիտական ուղիների վերաբերյալ։ Ողջունում եմ Անկարայի ակտիվ ջանքերը։ Քննարկել ենք Ուկրաինայի և Թուրքիայի ռազմատեխնիկական համագործակցության զարգացումը», – գրել է Կուլեբան Twitter-ի իր էջում։
