Թուրքիայի ԱԳՆ-ն կոչով դիմել է իր քաղաքացիներին

Թուրքիայի ԱԳ նախարարությունը իր քաղաքացիներին ուղղված կոչով է հանդես եկել ու հորդորել է զերծ մնալ Ուկրաինայի արևելյան հատվածներ այցելելուց։

«Մեր երկիրն ուշադիր հետևում է Ուկրաինայի շուրջ իրավիճակին ու անվտանգությանը։ Այդ կապակցությամբ մեր քաղաքացիներին հորդորում ենք զերծ մնալ Ուկրաինայի արևելյան սահմանամերձ շրջաններ այցելելուց, եթե չկա դրա ծայրահեղ անհրաժեշտությունը։ Մեր քաղաքացիներին խորհուրդ է տրվում ձեռնարկել անվտանգության բոլոր անհրաժեշտ միջոցառումներն ու այդ շրջաններ այցելելուց առաջ կապ հաստատել Կիևում Թուրքիայի դեսպանատան հետ»,- նշված է Թուրքիայի ԱԳ նախարարության հաղորդագրությունում։