Անկարայում բեռնատար գնացքը բախվել է մարդատար մեքենային` այն քարշ տալով 300 մետր։

Ինչպես հաղորդում են ադրբեջանական ԶԼՄ–ները` վկայակոչելով CNNTürk-ը, միջադեպի հետևանքով մահացել է ավտոմեքենայի ուղևորներից մեկը, իսկ վարորդը և մյուս ուղևորը տուժել են: Թեթև վնասվածքներ է ստացել գնացքի մեքենավարը։

Վթարը տեղի է ունեցել Թուրքիայի մայրաքաղաքի Պոլաթլի շրջանում։ Պատճառը, ըստ նախնական տվյալների, ուղեփակոցի անսարքությունն է եղել։

Դեպքի առթիվ քննություն է տարվում։