Նախկին դատախազը կապվել է մարդասպանների բանդայի հետ և պատվիրել սպանել քրոջ ամուսնուն. ՌԴ

 Դատարանը Վլադիկավկազի նախկին դատախազ Օլգա Շվեցովային դատապարտեց 12 տարվա ազատազրկման: Շվեցովան պատվիրել էր սպանել իր քրոջ նախկին ամուսնուն։ Այս մասին գրում են ռուսական լրատվականներն ու թելեգրամյան ալիքները:

Ըստ ՌԴ Քննչական կոմիտեի՝ 2012 թվականին Շվեցովան անձամբ խնդրել է Ռուսաստանի Դաշնության ամենահայտնի մարդասպան խմբավորման ղեկավար Ասլան Գագիևին (Ջակո) «հեռացնել» քննիչ Ալեքսանդր Լեոնովին: Նախկին դատախազը պատվիրել է սպանությունը, քանի որ քննիչ Լեոնովը ցանկացել է ամուսնալուծվել է իր հղի քրոջից: Նախկին ամուսինները ունեցել են խոշոր ունեցվածք, ինչ պետք է կիսվեր դատական կարգով։ Քննիչի նախկին կինը, պարզվել է, բազմիցս սպառնացել է ամուսնուն, սակայն Լեոնովը ուշադրություն չի դարձրել և չի դիմել ոստիկանություն։ Շատ չանցած քննիչին հայտնաբերել են մահացած`  իր տան բակում:

2019 թվականի դեկտեմբերին Շվեցովային կալանավորել են և մեղադրանք առաջադրել։ Նա չի ընդունում իր մեղքը։ Ջեկոն այժմ ձերբակալված է։ Մարդասպանների հանցախմբի ղեկավարին սպառնում է ցմահ ազատազրկում. Ասլան Գագիևի խմբին է վերագրվում 60 մարդու սպանությունը, այդ թվում՝ ոստիկանների, պաշտոնյաների և գործարարների։ Բանդայի զոհերից մեկը Հյուսիսային Օսիայի փոխվարչապետ Կազբեկ Պագիևն է։