Կկատարենք մեր պարտավորությունները ՆԱՏՕ-ի առջև. Թուքիայի ՊՆ նախարարը` ռուս-ուկրաինական կոնֆլիկտի մասին
Թուրքիան ամբողջությամբ կկատարի նեղուցների կարգավիճակի մասին Մոնտրյոյի կոնվենցիայի դրույթները՝ Ուկրաինայի շուրջ լարվածության պայմաններում։ Այս մասին հայտարարել է Թուրքիայի պաշտպանության նախարարության ղեկավար Հուլուսի Աքարը, փոխանցում է ՏԱՍՍ-ը։
Նրա խոսքով՝ Անկարան կշարունակի շփումները նաեւ Մոսկվայի և Կիեւի հետ՝ նրանց միջեւ հարաբերությունների կարգավորման համար։
«Նեղուցների կարգավիճակը (սևծովյան և ոչ սևծովյան երկրների նավերի անցման կանոնները), որը սահմանվել է կոնվենցիայով, ձեռնտու է բոլոր կողմերին։ Ներկա պայմաններում այս կոնվենցիայից հրաժարվելու մասին խոսք լինել չի կարող։ Ինչ վերաբերում է սեւծովյան երկխոսությանը, ապա Թուրքիան անում է այն ամենը, ինչ պետք է։ Մենք կշարունակենք մեր երկխոսությունը Ռուսաստանի եւ Ուկրաինայի հետ ու կկատարենք մեր պարտավորությունները ՆԱՏՕ-ի առջեւ»,- մեջբերում է նախարարին TRT հեռուստաալիքը։
