ՀՀ-ում Բելառուսի դեսպանը կանչվել է ԱԳՆ
Մամուլում տեղեկություն է տարածվել, որ Հայաստանում Բելառուսի դեսպան Ալեքսանդր Կոնյուկին այսօր կանչվել է ՀՀ Արտաքին գործերի նախարարություն։ Նշվում է, որ դեսպանը կանչվել է ԱԳՆ՝ Բելառուսի նախագահի կողմից արված սկանդալային հայտարարությունների հետ կապված։
Аuroranews.am-ը կապ հաստատեց ՀՀ ԱԳՆ մամուլի խոսնակ Վահան Հունանյանի հետ: Վերջինս մեզ հետ զրույցում հաստատց` նշելով, որ, այո, դեսպանն այսօր եղել է ԱԳՆ շենքում, սակայն հանդիպման բովանդակության մասին այլ մեկնաբանություններ հրաժարվեց տալ:
Փորձեցինք տեղեկանալ` հանդիպամն մասին հաղորդագրություն կտարածվի, թե ոչ, բայց խոսնակը հարցն անպատասխան թողեց:
Հիշեցնենք, որ երեկ Վլադիմիր Սոլովյովին տված հարցազրույցում Բելառուսի նախագահ Ալեքսանդր Լուկաշենկոն սկանդալային հայտարարություններ էր արել` ասելով, «Հայաստանը գնալու տեղ չունի։ Կարծում եք նրանք ինչ-որ մեկին պե՞տք են»։
