ՏԵՍԱՆՅՈՒԹ․ «Դահլիճից դուրս կհանեմ, եթե ձեն եղավ դահլիճից»․ Ալեն Սիմոնյանը բարկացավ ՔՊ-ականների վրա
ԱԺ «Հայաստան» խմբակցության անդամ Արեգնազ Մանուկյանն այսօր Ազգային ժողովում իր ելույթի ժամանակ միացրեց պաշտպանության նախարար Սուրեն Պապիկյանի՝ նախկինում ունեցած ելույթներից մեկը, որտեղ նա խոսում է կորոնավիրուսի ժամանակ հարսանիքների, մեծ խնջույքների սահմանափակումների մասին։ Ապա հիշեցնում է, որ երկու օր առաջ այդ նույն Պապիկյանը ճոխ հարսանիք է արել, որի վերաբերյալ երեք տարի առաջ չէր էլ կարող երազել։
Արեգնազի ելույթի ժամանակ ՔՊ-ականները տեղից սկսեցին աղմկել, ռեպլիկներ թողնել, որը դուր չեկավ նիստը վարող ԱԺ նախագահ Ալեն Սիմոնյանին։ Նա մեկ անգամ դիտողութուն արեց, սակայն ՔՊ-ականները նորից սկսեցին խանգարել պատգամավորի ելույթը։ Ալեն Սիմոնյանն այստեղ արդեն զայրացավ ՔՊ-ականների վրա․ «Ուրեմն դահլիճից դուրս կհանեմ, եթե ձեն եղավ դահլիճից։ Լռություն դահլիճում՝ կատարյալ»։
