175 մլն դրամի փոխհատուցում՝ Սյունիքի հյուրանոցներին․ Քերոբյան

Սյունիքի հյուրանոցները պետությունից 175 մլն դրամի փոխհատուցում են ստացել։ Այս մասին այսօր ԱԺ–ում կառավարության հետ հարցուպատասխանի ժամանակ հայտարարեց ՀՀ Էկոնոմիկայի նախարար Վահան Քերոբյանը։ 
«Ինչպես գիտեք` Սյունիքի հյուրանոցներն առանձնակի էին տուժել կորոնավիրուսից ու պատերազմի շոկերից։ Եվ, քանի որ անվտանգության հետ կապված որոշակի խնդիրներ կային, Սյունիքի հյուրանոցներում այս տարի զբաղվածությունը ևս բավարար չի եղել։ Դրա համար կառավարությունը որոշեց լրացուցիչ օժանդակություն տրամադրել Սյունիքի հյուրանոցներին»,– ասաց Քերոբյանը։ 
Նախարարը նշեց, որ կառավարությունն ուշի– ուշով հետևում է իրավիճակին ու անհրաժեշտության դեպքում պատրաստ է նոր օժանդակություն տրամադրել սահմանամերձ մարզային բիզնեսին։ 
Ընդհանուր առմամբ, 2021թ–ին Սյունիքի տարբեր ծրագրերի 1 մլրդ դրամի չափ գումար է տրամադրվել։