Հունվարի 11-ին թշնամու ԱԹՍ-ների կիրառման ժամանակ գործե՞լ է ՀՕՊ համակարգը․ ՊՆ-ից պատասխանում են
Օրեր առաջ Auroranews-ը մի քանի կարևոր հարցերով գրավոր հարցում էր ուղարկել Պաշտպանության նախարար Սուրեն Պապիկյանին։
Մասնավորապես հետաքրքրվել էինք՝ Հունվարի 11-ին հայ-ադրբեջանական սահմանի արևելյան ուղղությամբ ադրբեջանական ստորաբաժանումների իրականացրած սադրանքից հետո ունեցանք 3 զոհ։ Պաշտպանության նախարարության տարածած հայտարարության մեջ նշվում էր, որ Ադրբեջանը հայկական դիրքերի ուղղությամբ կիրառում է ԱԹՍ-ներ և հրետանի։ Արդյո՞ք ԱԹՍ-ների կիրառման ժամանակ գործել է ՀՕՊ համակարգը, եթե ոչ՝ ինչո՞ւ։
Ճի՞շտ են պնդումները, որ հայ զինծառայողները թշնամու ԱԹՍ-ների դեմ պայքարել են իրենց կցված ինքնաձիգերով։
Նախարարի պատասխանի մեջ նշվում է. «Հարցման առաջին կետի վերաբերյալ՝ հայտնում եմ, որ մարտական հենակետերի անձնակազմը գործել է ՀՀ պաշտպանության նախարարի 03.11.2006թ. N 1412 հրամանով գործողության դրված «Մարտական կանոնադրություն, երրորդ մաս»-ի 1-ին գլխի 1-ին կետի 7-րդ ենթակետի պահանջներով՝ հակառակորդի նախահարձակ ուժեղ րի եւ միջոցների դեմ պայքարելով բոլոր առկա միջոցներով»։
