Պուտինն ու Բայդենը այսօր փակ ռեժիմով տեսազանգ կունենան
Ռուսաստանի նախագահ Վլադիմիր Պուտինի և ԱՄՆ նախագահ Ջո Բայդենի գագաթնաժողովից առաջընթաց պետք չէ սպասել։ Այս մասին հայտնել է Կրեմլի խոսնակ Դմիտրի Պեսկովը՝ այսօր նախանշված Պուտին-Բայդեն տեսակոնֆերանսի ձևաչափով հանդիպմանն ընդառաջ, գրում է Lenta-ն։
Միաժամանակ, Պեսկովը նշել է, որ լարվածության սրումը Եվրոպայում ներկայում չափազանց է։ «Սա արտառոց է, ինչը պահանջում է անձնական քննարկում ամենաբարձր մակարդակով»,- ասել է նա։ Պեսկովը նաև ընդգծել է, որ առաջնորդների շփումն արդեն իսկ կարելի է համարել հաջողություն։ Ռուսաստանի և Միացյալ Նահանգների նախագահների տեսազանգը տեղի կունենա փակ ռեժիմով այսօր՝ Մոսկվայի ժամանակով ժամը 18:00-ին։
