Լատվիայում առաջարկվել է քովիդի դեմ պատվաստվելու կոչ անել ռուսերենով

Լատվիայում առաջարկվել է հեռանալ լեզվական պահանջներից և բնակիչներին պատվաստվելու կոչի համար դիմել ռուսերենով: Այս մասին գրում է Sputnik Ближнее зарубежье թելեգրամյան ալիքը:
 

Նշվում է, որ նման առաջարկով կառավարությանն է դիմել երկրի առողջապահության նախարարության ներկայացուցիչը: Ըստ հրապարակման՝ երկրի բնակչության մոտ 35%-ը ռուսախոս է: Այնուամենայնիվ, մինչ այժմ Լատվիայում կորոնավիրուսի և պատվաստանյութերի մասին ամբողջ տեղեկատվությունը հրապարակվում էր բացառապես լատիշերենով:
 

Վերջերս երկիրը աշխարհում առաջին տեղն է զբաղեցրել կորոնավիրուսի տարածվածության շաբաթական ցուցանիշով: Սահմանվել է պարետային ժամ և «կոշտ լոքդաուն»: