«ՔՊ»-ն որևէ իրարանցում այստեղ չի սկսել, Աննա Մկրտչյանն ինքն է ուզում նման իրավիճակում հայտնվել, ի՞նչը դատապարտենք․ Բադալյանը
Ո՛չ 7-րդ գումարման, ո՛չ 8-րդ գումարման ԱԺ-ում երբեք «ՔՊ»-ն որևէ իրարանցում այստեղ չի սկսել։ ԱԺ-ում այս մասին ասաց «ՔՊ» խմբակցության պատգամավոր Լուսինե Բադալյանը։
Պատգամավորը, դիմելով ընդդիմադիրներին, հարցրեց, թե ո՞վ է երեկ մարմնական վնասվածք ստացել։
«Չեմ ուզում անդրադառնալ Աննա Մկրտչյանին։ Կարծում եմ՝ ժամանակն ամեն ինչ իր տեղը կգցի։ Աննա Մկրտչյանն ինքնուրույն ուզում է հայտնվել այդ իրավիճակում, ի՞նչը դատապարտենք։ Պետք է մարդու ցանկություններն իրականացնել։ Նա անընդհատ ուզում է հայտնվել այդ իրավիճակում։ Ես ձեզ կպատմեմ՝ մենք ինչերով ենք անցել ձեր գործընկերների կողմից։ Պետք չեն այդ երկակի ստանդարտները, մենք էլ կարող ենք հիշացնել»,-ասաց Լուսինե Բադալյանը։
