ՌԴ ՊՆ ղեկավար Սերգեյ Շոյգուն «կանչվել է» Ուկրաինայի անվտանգության ծառայություն

Ուկրաինայում ՌԴ ՊՆ ղեկավար Սերգեյ Շոյգուն  «կանչվել է» Ուկրաինայի անվտանգության ծառայություն «քննչական գործողություններ իրականացնելու» շրջանակում: Այս մասին հայտնում է RT-ն՝ հղում տալով  ուկրաինական «Գլավկոմ» հրատարակությանը, որը ներկայացրել է փաստաթուղթ, որը ստորագրել է  Դոնեցկի և Լուգանսկի մարզերում ծառայության քննիչը ՝ Տարաս Բուտենկոն:
 

Վերոնշյալ փաստաթղթին համապատասխան՝ ռուս նախարարը հուլիսի 20-ին պետք է ներկայանա Մարիուպոլում

«օրենքով չնախատեսված զինված կազմավորումների ստեղծման մասին» գործի շրջանակում:
 

Ուկրաինայի իրավապահ մարմինների կողմից նմանատիպ գործողություններ տեղի են ունեցել նաև 2016 թ.-ին: Այդ ժամանակ Ուկրաինայի նախկին գլխավոր դատախազ Յուրի Լուցենկոն հայտնել էր, որ իր ղեկավարած գերատեսչությունը քրեական գործ է հարուցել ՌԴ ՊՆ ղեկավարի և Ռուսաստանի այլ 17 պաշտոնատար անձանց դեմ, իսկ սեպտեմբերին Կիևի Պեչերսկի շրջանի դատարանը Սերգեյ Շոյգուի նկատմամբ կալանքի որոշում է կայացրել: