Զանգեզուրյան միջանցքը Նախիջևանի էքսկլավը կապելու է Ադրբեջանի հետ և ծառայելու է առևտրային կապերին. Բայրամով
Ադրբեջանի ԱԳ նախարար Ջեյհուն Բայրամովի խոսքերով՝ հաղորդակցությունների վերականգնումը «շահավետ իրավիճակ է ամբողջ տարածաշրջանի համար և կբարձրացնի Սև ծովի ավելի լայն աշխարհագրության կարևորությունը»:
«Եռակողմ հայտարարության համաձայն՝ զինված հակամարտության ավարտով Ադրբեջանը մտավ վերականգնման, վերակառուցման և վերաինտեգրման հետհակամարտային փուլ: Հետհակամարտային ժամանակահատվածում խաղաղության, վերականգնման և վերակառուցման ու ներքին տեղահանված անձանց վերադարձի ուղղությամբ գործունեությունը շարունակելն Ադրբեջանի համար բացարձակ առաջնայնություն է», - Սևծովյան տնտեսական համագործակցության կազմակերպության անդամ երկրների ԱԳ նախարարների խորհրդի 43-րդ նիստում ասել է Ադրբեջանի արտաքին գործերի նախարար Ջեյհուն Բայրամովը։
Ադրբեջանցի դիվանագետը կրկին օգտագործել է «Զանգեզուրյան միջանցք» եզրույթն ու նշել, որ այն ոչ միայն Նախիջևանի էքսկլավը կապելու է Ադրբեջանի հետ, այլ նաև ծառայելու է առկա առևտրային և փոխադրումային կապերին:
«Հակամարտության կարգավորումը միաժամանակ նոր հեռանկարներ է բացում տարածաշրջանային համագործակցության, զարգացման և առաջընթացի համար: 2020-ի նոյեմբերի 10-ի 
Ըստ նրա՝ ուժեղացված տարածաշրջանային համագործակցությունը «կարող է նպաստել ոչ միայն զարգացմանը»
«Տրանսպորտի, կապի և առևտրի ոլորտում նախաձեռնությունները հնարավորություն կտան օգտվել նոր գործընկերային հարաբերություններից ու հնարավորություններից: Ուժեղացված տարածաշրջանային համագործակցությունը կարող է ոչ միայն նպաստել զարգացմանը, այլև տնտեսական լծակների ստեղծմանը, որոնք կնվազեցնեն տարածաշրջանում ռազմական բռնկումների վտանգը և կամրացնեն խաղաղությունն ու կայունությունը», - հայտարարել է Ադրբեջանի արտգործնախարարը:
Նոյեմբերյան եռակողմ հայտարարության հիման վրա Արցախում հաստատված հրադադարից ի վեր Ադրբեջանը շարունակ հայտարարում է, թե «Լեռնային Ղարաբաղի հակամարտությունը լուծված է»։ Սակայն ԼՂ հակամարտության խաղաղ կարգավորման բանակցություններում միջազգային միջնորդական առաքելություն իրականցնող ԵԱՀԿ Մինսկի խումբը բազմիցս հայտարարել է համակարտության կարգավորման շուրջ բանակցությունները վերսկսելու անհրաժեշտության մասին։ Գրում է Հրապարակը:
