Կենտրոնական Ասիան՝ Վաշինգտոն–Ռուսաստան մրցակցության դաշտ

ԱՄՆ նախագահ Դոնալդ Թրամփը Սպիտակ տանը ընդունել է Կենտրոնական Ասիայի հինգ երկրների՝ Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ղեկավարներին։

Վաշինգտոնի նպատակն է ուժեղացնել իր ազդեցությունը մի տարածաշրջանում, որտեղ երկար տարիներ հիմնական դեր է ունեցել Ռուսաստանը, գրում է Reuters-ը։ Կենտրոնական Ասիայում, որտեղ ապրում է շուրջ 84 միլիոն մարդ, առկա են ուրանի, պղնձի, ոսկու, հազվագյուտ հողային տարրերի և այլ ռազմավարական ռեսուրսների մեծ պաշարներ։

C5+1 ձևաչափը, որը ձևավորվել է 2015 թվականին, ներառում է ԱՄՆ-ին և Կենտրոնական Ասիայի հինգ պետություններին՝ նպատակ ունենալով խթանել համագործակցությունը տնտեսության, էներգետիկայի և անվտանգության ոլորտներում։