ԱՄՆ նախագահի խոսքով՝ Իսրայելի հարձակումը Իրանի վրա կատարվել է իր մասնակցությամբ

ԱՄՆ նախագահ Դոնալդ Թրամփը հայտարարել է, որ ունեցել է անմիջական մասնակցություն Իսրայելի կողմից իրականացված հարձակմանը Իրանի վրա։ Օվալաձև սենյակում լրագրողների հետ հանդիպման ժամանակ նա նշել է, որ այդ գործողությունը եղել է  «շատ հզոր»:

Թրամփի խոսքով՝ երբ Իսրայելը առաջին անգամ հարձակվեց Իրանի վրա, դա դարձել է «մեծ օր Իսրայելի համար», քանի որ, ըստ նրա, այդ հարձակումը ավելի մեծ վնաս է հասցրել, քան նախորդ բոլոր գործողությունները միասին։

Նախագահը մանրամասներ չի ներկայացրել իր դերակատարության կամ հարձակման ընթացքում ԱՄՆ ներգրավվածության մասին։ Նրա հայտարարությունը լայն արձագանք է ստացել ինչպես ամերիկյան, այնպես էլ միջազգային մամուլում՝ առաջ բերելով հարցեր Վաշինգտոնի մասնակցության ծավալի վերաբերյալ։