«Թբիլիսին պատրաստ է աշխատել Վրաստան-Ադրբեջան-Հայաստան եռակողմ ձևաչափով». Զալկալիանի
Թբիլիսին պատրաստ է աշխատել Վրաստան-Ադրբեջան-Հայաստան եռակողմ ձևաչափով՝ աշխարհաքաղաքական կարևոր նախագծերի իրականացման համար։ Այս մասին հայտարարել է Վրաստանի փոխվարչապետ, արտաքին գործերի նախարար Դավիթ Զալկալիանին։
Ելույթ ունենալով Թուրքիայում կայացած դիվանագիտական համաժողովում՝ Զալկալիանին նշել է, որ Ադրբեջանն ու Թուրքիան Վրաստանի ռազմավարական գործընկերներն են։
Նա նաև ընդգծել է Հայաստանի հետ պատմական և բարեկամական կապերը։
«Մեր առջև այսօր շատ հնարավորություններ կան։ Մեր տարածքով անցնում են նավթամուղերն ու գազատարները»,-հիշեցրել է Զալկալիանին։
Նա կարևորել է այն նախագծերի իրականացումը, որոնք կնպաստեն տնտեսական համագործակցության ընդլայնմանը, տրանսպորտային կապերին՝ Կասպից և Սև ծովերի ներուժի օգտագործման տեսանկյունից:
