Կենտրոն վարչական շրջանը ղեկավար չունի. թաղապետն՝ արձակուրդում է, իսկ թաղապետին փոխարինողը՝ ձերբակալված
Երևանի Կենտրոն վարչական շրջանը երեկվանից ղեկավար չունի: Ապրիլի 20-ից արձակուրդի մեջ գտնվող թաղապետ Ավետ Պողոսյանի պարտականությունները կատարում էր նրա առաջին տեղակալ Արմեն Ազիզյանը, որը երեկվա աղմկահարույց միջադեպից հետո ձերբակալվել է:
Այսօր Armtimes-ի այցելության ժամանակ Կենտրոնի թաղապետարանն արդեն խաղաղ էր, իսկ քաղաքաշինության և հողօգտագործման բաժնի պետ Մանվել Մարգարյանի աշխատասենյակի դուռը՝ կապարակնքված:
Հիշեցնենք՝ Մանվել Մարգարյանը երեկ ծեծի էր ենթարկվել իր իսկ աշխատասենյակում թաղապետարանի ղեկավար կազմի որոշ անձանց, այդ թվում՝ Արմեն Ազիզյանի կողմից:
