Բանակցություններն այսօր արդյունք չտվեցին․ Գորիսի փոխքաղաքապետը հայտնում է՝ Սյունիքում մարտական հերթափոխ է իրականացվում

Բանակցություններն այսօր ավարտվել են անարդյունք, շարունակվելու է վաղը։  Այս մասին Auroranews-ի հետ զրույցում հայտնեց Գորիսի փոխհամայնքապետ Մենուա Հովսեփյանը։ Նա նշեց, որ վաղը կայանալիք բանակցությունների ժամը դեռ հայտնի չէ։

Հարցին՝ ինչպե՞ս է այս պահին Սյունիքում իրադրությունը և նկատվո՞ւմ են արդյոք նոր դիրքավորումներ ադրբեջանական կողմից, Հովսեփյանը պատասխանեց․
 

«Սյունիքում տրամադրվածությունը մարտական է։ Զինված ուժերն ու կամավորները կազմակերպել են մարտական հերթափոխ, որը հավուր պատշաճի իրականացվում է։ Ինչ վերաբերում է ադրբեջանական կողմի դիրքավորումներին՝ նման տեղեկություն չունեմ»,- հայտնեց փոխքաղաքապետը։ 
 

Հիշեցնենք, որ Պաշտպանության նախարարությունը ևս տեղեկացրել էր բանակցությունների ավարտի մասին ու հավելել, որ մանրամասների վերաբերյալ ավելի ուշ հայտարարությամբ հանդես կգան։ ՊՆ հայտարարություն դեռ չի եղել։