Նեյմարը սպասում է առաջարկի
Ֆրանսիայի չեմպիոն ՊՍԺ–ի հարձակվող Նեյմարը դադարեցրել է նոր պայմանագրի վերաբերյալ բանակցությունները փարիզյան ակումբի հետ, հաղորդում է Mundo Deportivo–ն։
29–ամյա բրազիլացի ֆուտբոլիստը սպասում է առաջարկի «Բարսելոնայից»։ Նեյմարի որոշման վրա ազդեցություն է ունեցել Լիոնել Մեսիի դիրքորոշումը։ Սպասվում է, որ կատալոնական ակումբի արգենտինացի հարձակվողը կմնա հոլանդացի Ռոնալդ Կումանի գլխավորած թիմում։
Նեյմարը «Բարսելոնայում» հանդես է եկել 2013–2017 թվականներին։
Ընթացիկ մրցաշրջանում Նեյմարը ՊՍԺ–ի հետ մասնակցել է 27 հանդիպման, խփել 15 գոլ, կատարել 10 գոլային փոխանցում։ Նրա պայմանագիրը փարիզյան ակումբի հետ նախատեսված է մինչեւ 2022թ. հունիս։ Transfermarkt.com–ը Նեյմարի տրանսֆերտային արժեքը գնահատում է 110 միլիոն եվրո։
