Քաղաքականություն

Բաքուն սպասում է Հայաստանի քայլերին․ Բայրամով

Բաքուն սպասում է Հայաստանի քայլերին․ Բայրամով
Ադրբեջանը կատարել է Հայաստանի հետ տրանսպորտային հաղորդակցությունների բացման վերաբերյալ իր պարտավորությունները։ Այս մասին Ադրբեջանի արտաքին գործերի նախարար Ջեյհուն Բայրամովը հայտնել է Շվեյցարիայի ԱԳ…

Ադրբեջանը կատարել է Հայաստանի հետ տրանսպորտային հաղորդակցությունների բացման վերաբերյալ իր պարտավորությունները։ Այս մասին Ադրբեջանի արտաքին գործերի նախարար Ջեյհուն Բայրամովը հայտնել է Շվեյցարիայի ԱԳ նախարար, ԵԱՀԿ գործող նախագահ Իգնացիո Կասիսի հետ համատեղ մամուլի ասուլիսի ժամանակ, հաղորդում է APA-ն։


Բայրամովի խոսքով՝ Բաքվի և Երևանի միջև հարաբերությունների կարգավորման գործընթացի շրջանակում շարունակվում է աշխատանք տարվել տրանսպորտային կապերի վերականգնման ուղղությամբ։ Այդ գործընթացի առանցքային տարրերից մեկը, նրա խոսքով, TRIPP նախագիծն է, որն ընդգրկված է Վաշինգտոնի խաղաղության գագաթնաժողովում ստորագրված փաստաթղթում։


«Նախապատրաստական փուլի ավարտից հետո Հայաստանում պետք է սկսվեն շինարարական աշխատանքները։ Ադրբեջանը մեծ մասամբ կատարել է աշխատանքի իր մասը»,- հայտարարել է Բայրամովը։


Նա նշել է, որ հայկական կողմը նույնպես պետք է որոշակի աշխատանքներ կատարի։


Նրա կարծիքով՝ Ադրբեջանի հիմնական տարածքի և Նախիջևանի միջև տրանսպորտային հաղորդակցության վերականգնումը «կնպաստի ողջ տարածաշրջանի տնտեսական զարգացմանը»։


«Այս նախագծերը ոչ միայն կապ կապահովեն Ադրբեջանի և Նախիջևանի միջև, այլև նոր տնտեսական հնարավորություններ կստեղծեն Ադրբեջանի, Հայաստանի և ողջ տարածաշրջանի համար»,- ասել է ադրբեջանցի նախարարը։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8075) Միջազգային (3541) ԱՄՆ (2373) Ռուսաստան (2268) Իրան (1788) Ընտրություններ (1285) Ուկրաինա (924) Երևան (821) Իսրայել (767) Ադրբեջան (680) Փաշինյան (604) Եվրոպա (530) Ազգային ժողով (506) Ընդդիմություն (484) Թրամփ (454)

Radio Aurora

Լսել Radio Aurora

Գովազդային տարածք

300x250