Սյունիքի մարզի Տեղ համայնքի Խնածախ գյուղի գլխին ադրբեջանցիները դիրքեր են կառուցում
Սյունիքի մարզի Տեղ համայնքի Խնածախ գյուղի գլխին ադրբեջանցիներն այսօր վաղ առավոտից շինարարական տեխնիկա են բերել, դիրքեր են կառուցում: Այս մասին գրում է Mediaport թելեգրամյան ալիքը:
Երեկ Սյունիքի Տեղ խոշորացված համայնքի ղեկավար Ներսես Շադունցը հայտնել էր, որ այդ տարածքների մասով որևէ պաշտոնական պայմանավորվածություն չի եղել, փոխարենը սահմանը գծվել է GPS-ով, որից հետո պարզապես բանակային կորպուսի մակարդակով խոսել են, պայմանավորվել, որ շատ չառաջանան:
«...նախկինում միայն որոշվել էր, որ բարձրադիր հատվածում դրոշ պետք է խփեն ու վերջ, հիմա ստացվում է այնպես, որ մեր կողմից 100 մետր հեռավորության վրա նրանց պոստերն են լինելու, հիմա էլ անմիջապես իրենց դիմացը՝ 5-10 մետր հեռավորության վրա մեր բանակն է դնում, փակեն, որ գյուղը չերևա»,- ասել էր նա:
