Վրաերթի է ենթարկվել 22-ամյա երիտասարդ. վերջինիս 2 ոտքերը ծնկներից ներքև ամպուտացվել են
Ճանապարհային ոստիկանության 2-րդ սպայական գումարտակի 3-րդ վաշտի ավագ հետաքննիչ Միշա Ստեփանյանի որոշմամբ ՀՀ քր օր-ի 242 հոդվածի 1-ին մասի հատկանիշներով հարուցվել է քրեական գործ:
ֆոտոլրագրող Գագիկ Շամշյանը հայտնում է, նշված քրգործը հարուցվել է ապրիլի 8-ին՝ Երևան-Սևան ավտոճանապարհի 24-րդ կմ հատվածում տեղի ունեցած վրաերթի փաստով:
Այդ օրը՝ ժամը 00:05-ի սահմաններում, Հրազդանի բնակիչ, 35-ամյա Գարիկ Չոբանյանը իր վարած Opel մակնիշի ավտոմեքենայով նշված հատվածում վրաերթի է ենթարկել Չարենցավան քաղաքի բնակիչ, 22-ամյա Էրիկ Խաչատուրյանին, որից հետո բախվել ճանապարհի կողմնակում կայանված ГАЗель մակնիշի ավտոմեքենային:
Վրաերթի հետևանքով Է. Խաչատուրյանը ոտքերի մասում ստացած վնասվածքներով տեղափոխվել է Միքայելյանի անվան վիրաբուժության ինստիտուտ, որտեղ 2 ոտքերը ծնկներից ներքև ամպուտացվել են:
Գ. Շամշյանի տեղեկություներով՝ Opel-ի վարորդ Գ. Չոբանյանը նախկինում մի քանի անգամ եղել է դատապարտված և վերջերս է Ռուսաստանի Դաշնությունից Հայաստան վերադարձել, որտեղ նույնպես եղել է դատված և ենթարկվելով սթափության փորձաքննության, պարզվել է, որ նա եղել է ոչ սթափ, ով, ի դեպ, պարզվել է, որ բժշկական օգնություն ստանալու նպատակով տեղափոխվել է «Աբովյան» բժշկական կենտրոն:
Գ. Շամշյանի տեղեկություններով՝ Մ. Ստեփանյանի կողմից հարուցված քրեական գործը փոխանցվել է Հայաստանի քննչական կոմիտեի Կոտայքի մարզային քննչական վարչություն:
