Հենց նոր ԵԽԽՎ լիագումար նիստում որոշվեց. ռազմագերիների հարցը մտավ օրակարգ. Այն անպայման քննարկվելու է. Մելքումյան
ԲՀԿ պատգամավոր Միքայել Մելքումյանը ֆեյսբուքյան իր էջում գրել է՝
Սիրելի' հայրենակիցներ,
Հենց նոր Երոպայի Խորհրդի Խորհրդարանական վեհաժողովի լիագումար նիստը կողմ քվեարկեց, որպեսզի հայ ռազմագերիների հարցը, ինչպես և նախորդիվ ասել էինք, վաղը երեկոյան մտնի օրակարգ և քննարկվի։
Հարցը քվեարկվեց, որովհետև առարկություն էր ներկայացրել ադրբեջանական պատվիրակության ղեկավար Սամադ Սեյիդովը՝ հայտարարելով, որ դա ապակայունացնող նշանակություն կունենա տարածաշրջանի համար։
Հարցի քննարկմանը մասնակցեց 132 պատվիրակ, կողմ քվեարկեց 93-ը, դեմ՝ 21-ը և ձեռնպահ՝ 18-ը։
Այսպիսով, վաղը հարցն անպայման քննարկվելու է։
