Արդեն ցույց ենք տվել, որ մեր համախմբվածությամբ կարող ենք լավ արդյունքներ գրանցել. Հովհաննես Համբարձումյան

Հայաստանի ազգային հավաքականի պաշտպան Հովհաննես Համբարձումյանը վաղը Լիխտենշտեյնի հետ կայանալիք խաղից առաջ պատասխանել է լրագրողների հարցերին:

«Լավ մարզավիճակում եմ, պատրաստվում եմ օգնել թիմի առաջիկա խաղերում, որպեսզի փորձենք մաքսիմում լավ արդյունքներ գրանցել:

Հավաքականում իսկապես շատ լավ. դրական մթնոլորտ է տիրում, անգամ վերջին երկու խաղերում ցույց տվեցինք, որ, չունենալով առաջատար խաղացողների, այդ համախմբվածությունն օգտագործեցինք լավ արդյունքի հասնելու համար:

Հայտնվել ենք բարդ խմբում, բայց պետք է ամեն ինչ անենք, որ ամեն խաղում բարելավենք մեր խաղն ու լավ արդյունքներ գրանցենք»,- ասել է Հովհաննես Համբարձումյանը:

Լիխտենշտեյն-Հայաստան խաղը կկայանա վաղը՝ մարտի 25-ին, և կմեկնարկի Երևանի ժամանակով 23:45-ին: