Հայաստանի հավաքականը ֆանտաստիկ արդյունքը՝ երեք խաղ, երեք հաղթանակ ընտրական խմբում
Հայաստանի ու Ռումինիայի հավաքականները մինչև օրս իրար դեմ մրցել էին 5 անգամ։ Չորս անգամ պաշտոնական և մեկ անգամ էլ ընկերական խաղերում։ Մեր թիմը մեկ խաղում հասել էր ոչ ոքի արդյունքի, իսկ մյուս խաղերում հաղթել էեն ռումինացիները։ Վիճակագրությունը մերոնք փոխեցին։
Աշխարհի 2022 թվականի առաջնության եվրոպական ընտրական J խմբում Հայաստանի հավաքականը կամային հաղթանակ տանելով Ռումինիայի ընտրանու նկատմամբ 3։2 հաշվով՝ 100 տոկոսանոց արդյունքով ընտրական խմբի առաջատարն է։
Խաղի մեկնարկում մեր թիմի գործողություններում որոշակի լարվածություն կար։ Երևաց, որ ռումինացիները շատ լավ ուսումնասիրել են մեր հավաքականի խաղը, ու այն սկսեցին առանց հետախուզման։ Բայց Յուրչենկոն, որը նախորդ երկու խաղերում կարելի է ասել, որ իր վարպետությունը դրսևորելու հնարավորություն չունենալով՝ այն չէր կորցրել։ Մեր ընտրանու դարպասապահը վստահ խաղաց մի քանի դրվագներում, իսկ հետո հետևեցին Ալեքսանդր Կարապետյանի ու Տիգրան Բարսեղյանի հարվածները, որոնց ժամանակ արդեն ռումինացիների դարպասապահ Ֆլորին Նիցեն փրկեց իր թիմին։ Երկկողմանի սուր ու վտանգավոր խաղ գնաց։ Մինչև ընդմիջում միգուցե ռումինացիները որոշակի տարածքային առավելություն ունեին, բայց դարպասի գրավում չարձանագրվեց, ու թիմերը հանգստի գնացին «զրոյական» արդյունք։
Երկրորդ խաղակեսի հենց սկզբում Խոակին Կապառոսը հերթական անգամ իր որոշումով կարծում ենք զարմացրեց շատերին, եթե ոչ բոլորին։ Փորխարինման դուրս եկան 19 ամյա Ժիրայր Շաղոյանը, 20 ամյա Էդուարդ Սպերցյանը, որը իր առաջին խաղը անցկացրեց մեր հավաքականում, ու նրանց համեմատ շատ փորձառու Սարգիս Ադամյանը։ Իսլանդիայի խաղից հետո Կապառոսը մամուլիս ասուլիսի ժամանակ նշեց, որ հատուկ մարտավարություն չէր ընտրել առաջին կամ երկրորդ կեսի ժամանակ, և խաղը պարզապես նման ընթացք ստացավ։ Բայց այս խաղում էլ մեր թիմը խաղաց առաջին կեսում հիմնականում մտածելով սեփական դարպասը անառիկ պահելու մասին, իսկ երկրորդի սկզբից ակտիվացավ։ Կարծում ենք սա արդեն պատահականություն, կամ խաղի ընթացք չէր, այլ մեր մարզիչը փորձում էր օգտվել մրցակցի ֆունկցիոնալ վիճակից։ Չէ, որ ընդամենը երեք օր առաջ ռումինացիները ծանր հանդիպում էին անցկացրել Գերմանիայի ընտրանու հետ։ Անսահման մեծ ռիսկ էր մարզչի կողմից խաղադաշտ դուրս բերելով անփորձ Շաղոյանին ու Սպերցյանին։
Բայց ով ռիսկի չի դիմում, հայտնի է թե ինչ չի խմում։ Կապառոսը հաստատ կարող է շամպայն խմել,(բայց ոչ լրիվ) քանի որ Էդուարդ Սպերցյանը հավաքականի կազմում իր առաջին խաղում դարձավ առաջին գոլի հեղինակ, ու հիմա թող «Կրասնոդարի» ֆուտբոլիստը, որ ռուսական թիմի կազմում գոլի հեղինակ չի դարձել, իր խոստումը կատարի գոլը նվիրելով իր ընտանիքին։ Ոգևորության ալիքի ներքո Հայաստանի հավաքականը կարող էր և արագ կրկնապատկել հաշվիը, բայց Սարգիս Ադամյանի հարվածը հրաշքով անկյունային հանեց ռումինացիների դարպասապահը։ Եվ գործեց ֆուտբոլում չգրված օրենքը՝ չես խփում դու, խփում են քեզ։ Ռումինայի հավաքականը վերականգնեց հաշվի հավասարակշռությունը։ Խփած գնդակը իհարկե որգևորեց մրցակցին։ Ռումինացիներին ինչ որ տեղ օգնեց արագ խփած պատասխան գնդակը։ Իսկ հաշիվը հավասարեցնելուց տասը րոպե անց, Ալեքսանդրու Չիկիլդեուն դառնալով դուբլի հեղինակ առաջ մղեց հյուրերին։ Այնպես չէ, որ արտասավոր ու շատ անսպասլեի բան տեղի ունեցավ։ Ռումինիան այս կազմով էլ շատ ուժեղ թիմ է։ Իհարկե հնարավոր էր և հաղթել մրցակցին, բայց միշտ չէ, որ ցանկություններն ու հնարավորությունները համընկնում են։ Կարևորը մեր թիմը խաղում է, ու խաղի մեջ միտք կա։ Իսկ երբ ռումինացիները մնացին տասը ֆուտբոլիստներով հնարավոր էր նաև խուսափել պարտությունից։ Ու եթե ավելի հաջողակ լինեին Շաղոյանն ու Ադամյանը, ամեն ինչ այդպես էլ կլիներ։
Բայց ո՞վ ձգտում է, նա հասնում է իր ուզածին։ Մեր ֆանտաստիկ ընտրանին թվային առավելությունը վերածեց նյութականի։ Վարազդատ Հարոյանը խփեց պատասխան երկրորդ գնդակը, իսկ Էդուարդ Սպերցյանը վաստակեց 11 մետրանոց, որը գերսառնասիրտ կերպով իրացրեց Տիգրան Բարսեղյանը՝ 3։2։ Ո՞վ որ ասեր, որ մեր հավաքականը ընտրական առաջին երեք հանդիպումներից հետո կունենա 9 միավոր նրա վրա կծիծաղեին։ Սակայն ծիծաղում են վերջում, կամ հիմա կարծում ենք ծիծաղում է Հայաստանի ազգային հավաքականն ու նրա երկրպագուները՝ բռավո։
Հաջորդ հանդիպումը աշխարհի 2022 թվականի եվրոպական ընտրական J խմբում Հայաստանի հավաքականը կանցկացնի հինգ ամիս հետո՝ սեպտեմբերին։ Աշնան առաջին ամսվա 2-ին մեր ընտրանին արտագնա խաղում ուժերը կչափի Հյուսիսային Մակեդոնիայի հետ, սեպտեմբերի 5-ին մեր հավաքականը հյուրընկալվելու է Գերմանիայի ընտրանուն, և վերջապես սետպեմբերի 8-ին կընդունի Լիխտենշտայնի հավաքականին։
Ընդ որում հիմա արդեն պարզ է, որ Հյուսիսային Մակեդոնիայի հետ խաղին որակազրկման պատճառով չեն մասնակցի Տիգրան Բարսեղյանը, Վարազդատ Հարոյանը և Խորեն Բայրամյանը։ Կապառոսի համար իր հանճարը ապացուցելու ևս մեկ տարբերակ կա, նոր անակնկալներ մատուցելու։
