ՏԵՍԱՆՅՈՒԹ. Արմեն Սարգսյանին պաղպաղակ տանելու համար քաղաքացիները բերման ենթարկվեցին

Ցուցարարները, որպես բողոքի ակցիա, Հանրապետության նախագահ Արմեն Սարգսյանին պաղպաղակ էին տարել Բաղրամյան 26։

Ոստիկանության ծառայողները քաղաքացիներին թույլ չէին տալիս իրականացնել իրենց ակցիան։

«Մենք մեր գործերը թողել, եկել ենք՝ հայրենիքի համար ենք պայքարում։ Քո երեխեն էսօր սոված չի, դու կարողանում ես գումար տանես, էսօր երեխուս սոված թողել ու եկել եմ քո երեխու համար էլ եմ պայքարում»,- ոստիկանին դիմեց ակցիայի մասնակիցներից մեկը։

Ոստիկանն էլ արձագանքեց. «Պայքարելուն էլ ձեւ կա»։

Այնուհետեւ ոստիկանները քաղաքացիներին բերման ենթարկեցին։

Ակցիայի մասնակիցը դիմադրում էր ոստիկանների գործողությունների դեմ, նշելով, որ ինքն օրենք չի խախտել. «Երբ նամակ կուղարկեք, ես կգամ։ Ինձ օրինական կհրավիրեք բաժանմունք, ես էլ կգամ։ Ո՞ր օրենքով եք ինձ բերման ենթարկում»։