Եթե Երևանը չխորամանկի և չխաբի, ապա Բաքուն պատրաստ է ամրապնդել կապերը Հայաստանի հետ. Ալիև
Բաքուն պատրաստ է կարգավորել հարաբերությունները Երեւանի հետ եւ չի բացառում խաղաղ պայմանագրի ստորագրումը, ասել է Ադրբեջանի նախագահ Իլհամ Ալիեւն արտասահմանյան ԶԼՄ-ների համար մամուլի ասուլիսին, փոխանցում է «ՌԻԱ Նովոստի»-ն:
Նրա խոսքով` եթե «Երեւանը չխորամանկի եւ չխաբի, ապա Բաքուն պատրաստ է ամրապնդել կապերը Հայաստանի հետ»: «Իհարկե, եթե ամեն ինչ ընթանա ճիշտ այնպես, ինչպես մենք մտածում ենք, ապա չենք բացառում խաղաղ պայմանագրի ստորագրում ինչ-որ փուլում, քանի որ դե-ֆակտո նոյեմբերի 10-ի (անցյալ տարվա) հայտարարությունն ըստ էության հենց խաղաղության պայմանագիր է»,- հայտարարել է Ալիեւը:
